Regjistrimet e bisedave midis personave të përfshirë në trukime ndeshjesh në futbollin spanjoll dëshmojnë se ndeshja e fundit e kampionatit mes Real Valladolid dhe Valencias ishte e trukuar.
Raul Bravo, Carlos Aranda dhe Borja Fernandez janë liruar me kusht pas paraqitjes para një gjyqtari, pasi janë akuzuar për korrupsion në sport dhe krime të tjera. Raul Bravo dhe Borja Fernandez janë dy ish lojtarë të ligës spanjolle ndërsa Aranda dyshohet të jetë kreu i organizatës që bënte trupimin e ndeshjeve. Ai luante gjithashtu rolin e ndërmjetësit mes lojhtarëve.
Gazeta spanjolle El Mundo ka botuar ekskluzivisht këto regjistrime që janë kapur nga policia.
“Shtatë lojtarë u korruptuan, jo më shumë”, i tha Aranda një personi në telefon. “Bast 10,000 euro dhe do të fitoni 20,000 euro”, tha Aranda në të njëjtën bisedë.
Këto fraza, së bashku me indikacione të tjera, dëshmojnë se kjo ndeshje, e cila ishte vendimtare për të përcaktuar skuadrën që do të kualifikohej për në Champions League, ishte e trukuar.
El Mundo raportojnë gjithashtu se Raul Bravo shkoi për të takuar Borja Fernandez në Valladolid, ndërsa ka edhe dëshmi të një takimi midis lojtarëve që u pritën në shtëpinë e mbrojtësit të krahut të Valladolid , Keko Gontan.
Aranda gjithashtu i tha një shoku për ndeshjen: “Shiko shoku, Valencia do fitojë pjesën e parë dhe të dytën, ok?” tha ai në telefon
“Më dëgjoni, ata do fitojnë pjesën e parë dhe të dytë, ok?”
“Pra, ata do fitojnë edhe pjeën e parë dhe gjithë ndeshjen; ata duhet të shënojnë dy gola në të dy pjesët.
“Shikoni, ju e dini se si është kjo punë, askush nuk mund ta dijë. Askush do të thotë askush, askush, jo miqtë tuaj, asnjë njeri. ” /Opinion.al
