Sipas informacioneve që Instituti i Studimeve të Inteligjencës dhe Sigurisë posedon, Ministria e Mbrojtjes nuk ka dhënë një leje për pajisjen e “përgjimit”. Sipas ligjeve në fuqi, nën varësinë e Ministrisë së Mbrojtjes ka një Agjenci e cila është përgjegjëse për çdo lloj dhënie leje apo licence për “Materialet apo Pajisjet me Përdorim të Dyfishtë”. Kjo është Agjencia e Kontrollit Shqiptare të Eksporteve, (AKSHE).
E vetmja mënyrë që këto pajisje të hyjnë në territorin e Shqipërisë është vetëm atëherë kur këto pajisje janë të vendosura në një Marrëveshje midis dy vendeve, apo ndonjë Organizate Ndërkombëtare dhe Shtetit Shqiptar, raporton syri.
Pra nëse në marrëveshjen që ish-ministri i Brendshëm i asaj kohe zoti Nishani ka nënshkruar me palën Italiane në lidhje me trajnimin, bashkëlidhur kësaj marrëveshje do të duhet të ishte edhe kjo pajisje dhe të tjera të cilat nevojiten për Trajnim.
Gjithësesi debati politik në Shqipëri është akoma i ndezur dhe pritet të shohim në ditët në vazhdim se si do të rrjedhin ngjarjet.
