Partia Demokratike ka reaguar pas padisë së Kryetarit të Bashkisë së Tiranës, Erion Vliaj ndaj ish-deputetes Grida Duma.
Përmes një postimi në “Facebook”, PD shprehet se qeveria është e frikësuar nga përgjimet e Ndraghetës dhe se po tenton të mbyllë gojën e kujtdo që thotë të vërtetën.
Lexo edhe: Përgjimet/ Veliaj: Duma do përballet në gjykatë, kushdo që ndërton ka emër
Reagimi i PD
Rama e buratini i tij të frikësuar, nuk do të mbyllim gojën për të vërtetën.
Është e qartë: Rama dhe buratini i tij kryesor janë të frikësuar.
Ata po përpiqen të mbyllin gojën e kujtdo që thotë të vërtetën.
Qëllimi i vetëm i tyre është të vazhdojnë të qeverisin në kurriz të popullit shqiptar me dështimet e tyre, pa asnjë ndërhyrje.
Ne nuk kemi frikë nga asnjë proces gjyqësor që tenton të imponojë heshtjen tonë, pasi jemi këtu vetëm për një qëllim që është interesi publik i shqiptarëve.
As Rama, as buratini i tij, askush nuk do të na e mbyllë gojën./ Opinion.al
