Të paktën 12 persona janë vrarë mbrëmjen e djeshme në Irak, teksa shihnin finalen e Champions League. Viktimat ishin të moshës nga 18 deri në 30-vjeç, me shtetësi irakene.
Ngjarja ndodhi disa çaste para gjuajtjes së penalltive, në një lokal në Baakouba, 60 km në veri të Bagdatit, ku mblidheshin fansat e Realit, ndërsa autoritetet njoftojnë se përgjegjës për sulmin është ISIS.
“Daliy Star” shkruan se katër persona të armatosur hynë në lokal dhe filluan të qëllonin me arme, duke lënë 12 viktima, e më pas u larguan. Raportohet se edhe tetë persona mbetën të plagosur rëndë.
