Deputetja serbe në Asamblenë Parlamentare në Këshillin e Euorpës ka reaguar ashpër për kandidaturën e Kosovës në KiE.
Donja Simoneviç kërcënoi Europën duke theksuar nxitjen e lëvizjeve separatsite në rajonin e Ballkanit Perëndimor në rast pranimi të Kosovës. “Ose Kosova ose ne në KiE,” shprehet ajo.
“Jemi në fund të rrugës. Vendimi për të mbështetur raportin e Donja Bakojanis, nga pjesa më e madhe e Asamblesë tregon për Serbinë se ju vërtetë mund të thyeni të gjitha rregullat, vetëm për të vendosur vullnetin dhe fuqinë tuaj pavarësisht ligjit dhe drejtësisë. Ne pamë injorancën tuaj për objektivat. Nuk keni dhënë asnjë shpjegim logjik. Më lejoni të kujtoj se çfarë nuk është logjike. Raportuesit thyen rregullat gjatë përgatitjes së raportit. Vendosja e asocaiocni është thelbësore. Serbët që jetojnë atje dhe vuajnë nën regjimin e Kurtit nuk janë llogaritur fare. Ministrat e Kurtit janë këtu. Është më e rëndësishme për ju kalimi i raportit për LGBT ky është shkatërrim, jo drejtësi dhe vlerë për vlerat e Europës, për të cilat njerëzit kanë ëndërruar. Nëse futni Kosovën po përjashtoni Serbinë, a jeni të sigurt se është e lehtë kjo gjë. Çdo gjë mund të ndodhë. Kjo do të përkrahë separatizmin në vendet fqinje. Përgatituni për ditët që do të vijnë.”
