Heroi kombëtar shqiptarë Isa Boletini përfundimisht do të vendoset në qendër të komunës së Sarajit. Shtatorja e Isa Boletinit do të vendoset pas disa ditëve në afërsi të shkollës Dituria dhe ka për qëllim që të përcjellë një mesazh për ti bashkuar popujt dhe etnitetet e ndryshme duke e promovuar një bashkjetesë mes të gjithë qytetarëve pa dallim nga përkatësia e tyre etnike dhe fetare.
Kryetari i Komunës së Sarajit, Bekim Murati konsideron se vendosja e shtatores së heroit kombëtar shqiptarë do ti vendos themelet e historisë shqiptare në komunat e Maqedonisë, posaqërisht në Saraj.
“Shtatorja e Isa Boletinit do të vendoset më 23 janar në sheshin e Sarajit dhe besoj që kjo ditë do të jetë ditë feste jo vetëm për banorët e Sarajit por edhe për të gjithë shqiptarët ku do që jetojnë. Ajo luftë në 1912 ka pasur përkrahje shumë të madhe nga vet banorët e Dervenit, kuptohet e gjithë Shkupit, por sidomos Derveni, ku në mënyrën më të mirë kanë pritur të gjithë aktivistët dhe Isa Boletenit, që të bëhet çlirimi i Shkupit nga Perandoria osmane”, ka deklaruar Murati./ Zhurnal.
