Ka përfunduar takimi informal i kryeministrave të Ballkanit Perëndimor në Durrës. Në daljen për media, kryeministri Edi Rama tha se ka një plan veprimi prej 115 pikash, të cilat synojnë transformimit rrënjësor të rajonit: “Është e qartë tanimë që kemi një plan veprimi me 115 pika në funksion të një transformimi rrënjësor në kuadrin e lëvizjes së mallrave, shërbimeve, kapitalit, punonjësve të kualifikuar që ta bëjë rajonin shumë më tërheqës. Për ta mbyllur me këtë pjesë jemi vërtetë shumë të inkurajuar nga fakti që në nivelin politik ka një dakordësi të plotë”.
Gjatë fjalës së tij Rama tha po ashtu se mandati i rij i dytë do të ketë në fokus reformat. Gjithashtu ai foli dhe për azilkërkuesit shqiptar.
“Refuzoj të pranoj shënjestrimin nga BE se shqiptarët dallohen si azilkërkues apo që kryejnë krime si një arsye për të treguar me gisht Shqipërinë. Kriminelet janë kriminele ata duhet të përgjigjen para ligjit. Nuk ka flamur dhe kombësi ata janë kriminele”.
I pranishëm në takim ishte edhe Komisioneri për Negociatat e Zgjerimit, Johannes Hahn. Në takimin informal, janë të pranishëm përveç kryeministrit të Shqipërisë, Edi Rama, edhe ai i Kosovës, Isa Mustafa, kryeministri i Maqedonisë Zoran Zaev, ai i Malit të Zi Dushko Markoviq, kryeministrja e Serbisë Ana Brnabiq, kryetari i Këshillit të ministrave të Bosnje dhe Hercegovinës Denis Zvizdiq. Gjithashtu i pranishëm është edhe Cyril Muller, Zëvendës Presidenti i Bankës Botërore për Evropën dhe Azinë Qendrore.
Pas zhvillimi të takimit ështe parashikur të mbahet një konferencë e përbashkët për shtyp, rreth mesditës, ku pritet të dalin kryeministri Edi Rama dhe komisioneri Johannes Hahn.
