Ka përfunduar takimi i kreut të Partisë Demokratike me ambasadoren e SHBA , Yuri Kim, dhe me atë të BE, Luigi Soreca.
Përveç Bashës në këtë takim që zgjati rreth 2 orë, ishin të pranishëm edhe anëtarët e Këshillit Politik, Oerd Bylykbashi dhe Petrit Vasili.
Mësohet se në fokus të diskutimeve kanë qenë zhvillimet e fundit politike, kryesisht për ndryshimet kushtetuese. Takimi u mbajt në ambientet e selisë së PD me kërkesë të opozitës.
Kujtojmë se parlamenti votoi javën e kaluar marrëveshjen e 5 qershorit të arritur mes shumicës parlamentare dhe opozitës jashtë parlamentit, ndërsa në seancën e së enjtes, bashkë me opozitën brenda parlamentit, socialistët janë zotuar të votojnë ndryshime kushtetuese, që rikthejnë listat e hapura në zgjedhjet parlamentare dhe të rregullojnë koalicionet.
Pika e dytë është kundërshtuar nga PD dhe aleatët e saj pasi, sipas tyre, formula e koalicioneve duhet të qëndrojë siç është. / Opinion.al
