Është mbyllur sfida mes Argjentinës dhe Islandës me rezultatin 1-1. Edhe pse Argjentina bëri një lojë të fortë, nuk arriti dot të shënonte golin e fitores ndaj kundërshtarit. Islanda arriti të shënonte befasisht në minutën e 23, duke barazuar golin e realizuar nga Argjentina në minutën e 21.
Lionel Messi tentoi të realizonte golin e fitores me një penallti në minutën e 63, por është pritur nga portieri i Islandës. Pavarësisht tentativave të shumta nga ana e futbollistit argjentinas, ai nuk arriti të godas portën kundërshtare, duke u larguar nga kjo sfidë me një barazim. Ndeshja Argjentinë Islandë ishte e vlefshme për grupin D.
