Qarku i Kukësit shënoi këtë të diel përfundimin e procesit të numërimit dhe vlerësimit të votave si brenda vendit dhe në diasporës për subjektet politike dhe kandidatët në listat e hapura.
Partia Demokratike ka fituar në këtë qark mbi 20 mijë vota ose 61.91% të tyre. Partia Socialiste ka dalë e dyta me mbi 11 mijë vota, ose 26.99% të tyre.
Demokratët në Kukës do të përfaqësohen në Kuvend me dy deputetë, Flamur Hoxhën dhe Isuf Çelajn. Ndërsa socialistët me Eduard Shalsin.
Ndërkohë nga KQZ-ja bëhet me dije se procesi i numërimit të votave nga jashtë, më saktësisht nga Greqia vijon në 5 qarqe: Korçë, Gjirokastër, Vlorë, Elbasan dhe Berat.
Ndërsa në 6 qarqe ka nisur numërimi i votave të diasporës për kandidatët në listë të hapur. Bëhet fjalë për Durrësit, Tiranën, Shkodrën, Fierin, Lezhën dhe Dibrën./tvklan
