Kryetari i Partisë Demokratike, Lulzim Basha, të enjten, pas përfundimit të mbledhjes së Kryesisë, deklaroi se diskutimet kanë qenë të frytshme, duke nënvizuar se është garant që procesi i nisur në PD të jetë i vërtetë.
Para gazetarëve, Basha tha se transformimi i PD-së do të jetë transformimi që duan shqiptarët, pasi do jetë një proces që do lindë një shpresë dhe një rrugë e re për çdo shqiptar.
Basha: Diskutimi ka qene jashtezakonisht i frytshem. Padyshim qe ka mendime kritike, por pa i rrahur mendimet s’mund të shkohet në vendime që përfaqësojnë konsensusin e të gjithë anëtarëve te Kryesise.
Falenderoj anëratët e kryesisë me përgjegjësinë me të cilën diskutuan, gjithë anëtarësinë e PD që ka përmbyllur një proces analize dhe ti kujtoj gjithë anëtarët dhe simpatizantët e PD se shqiptarët e shohin këtë jo thjesht si proces brenda PD por si një proces që do lindë një shpresë dhe një rrugë e re për cdo shqiptare dhe shqiptarë.
Kryesia ka miratuar vendime që do i japin mundësinë cdo demokrati të kontribuojë në këtë proces, të jetë i vërtetë dhe i bashkimit të të gjitha kontributeve dhe ideve për këtë transformim të PD që do i paraprijë transformimit që presin shqiptparët.
