Ka përfunduar pas 3 orësh mbledhja e Këshillit të Sigurisë Kombëtar e thirrur nga presidenti Bujar Nishani. Në këtë tryezë është diskutuar për kanabizimin e Shqipërisë.
Pas kësaj tryeze ka folur zv/kryeministri Niko Peleshi, i cili ka zëvendësuar në këtë takim, kryeministrin Edi Rama i cili ka vendosur që të shkojë në Nju Jork për të hapur një ekspozitë me pikturat e tij.
Peleshi tha se ishte në këtë tryezë për të respektuar institucionin e Presidentit, ndërsa u shpreh se duhej mbledhë më parë, pasi sipas tij është e vonuar.
Deklarata e Niko Peleshit pas Këshillit të Sigurisë Kombëtare:
Këtu erdha për të respektuar institucionin e Presidentit. Kishte një fokus specifik. Pas vlerësimit të freskët të raportit të KE-së për punën e policisë në asgjësimin e kanabisit edhe kjo tryezë mund ti kountribuojë inkurajimit dhe korrigjimit të konceptimit të publikut. Kjo çështje është politizuar.
Perceptimi i opinionit publik dhe institucioneve tona nuk kanë arritur në nivelin e duhur për të punuar mbi shifra e jo nga perceptimi.
Brenda muajit janar të vitit tjetër të krijojmë një strategji kundër kanabisit, për të kompensuar në zonat e varfra ku u mboll kanabisi.
