Oficerët e SPAK, kanë përfunduar kontrollet në banesën e ish-ministrit të Shëndetësisë, Ilir Beqaj në Lungomare.
Pesë orë ka zgjatur kontrolli që agjentët e SPAK në bashkëpunim me policinë e Vlorës kanë ushtruar në banesën e Beqajt.
Mësohet se agjentët specialë pasi kanë përfunduar kontrollin në banesë, kanë zbritur në pjesën e poshtme, në garazhin e pallatit që ndodhet në zonën e Lungomares.
Agjentët e SPAK kërkuan ndërhyrjen e forcave Zjarrfikëse në mungesë të çelësit të banesës së ish-ministrit.
Nuk dihet ende se çfarë kanë gjetur apo çfarë kane sekuestruar agjentët në shtëpinë e ish-ministrit.
