Teksa ka dalë nga SPAK, Berisha ka mbajtur një deklaratë përpara mbështetësve të tij.
Berisha tregoi se çfarë deklaroi para prokurorëve të SPAK. Konkretisht, ish-kryeministri u shpreh: “ Gjeta një grup të terrorizuar. Deklarova aty se jam këtu për të shembur piramidën tuaj dhe për të denoncuar aktet tuaja kushtetuese pasi masat që vendosët kundër Berishës janë në shkelje të Kushtetutës. Jam këtu thash për të denoncuar aktet antiligjore të turpshme, për t’i marrë pushtetin Edi Ramës. Jam këtu për të denoncuar refuzimin e provave që nuk mund të ndodhë kurrë në një vend pasi provat ato ishin shkatërrimtare për ta. Refuzuan ekspertizën e pavarur që tregonte shëmtinë e këtij grupi kriminal. Ata refuzuan dokumentet që faktojnë se vepruan me urdhër të Ramës. I pyeta kush nga ju ka bashkëpunuar me McGonigal. Ata shihnin njëri tjetrin dhe nuk dinin si të përgjigjeshin. Kur përmenda Taulant Ballën, fytyrat u prishën. Ata nuk bënë pyetje, ishte vetëm një vetëdenigrim që i bënin vetes”, tha Berisha.
