Katër persona humbën jetën pasi një zjarr shpërtheu gjatë mbrëmjes në spitalin e Tivolit, në periferi të Romës.
Zjarri shpërtheu të premten në mbrëmje dhe pacientët (përfshirë shtatë fëmijë) u transferuan.. Tre persona humbën jetën në zjarrin që shpërtheu rreth orës 22:30 të së premtes 8 dhjetor në spitalin San Giovanni Evangelista në Tivoli, pak jashtë Romës.
Trupi i një personi të katërt u gjet nga zjarrfikësit, por vdekja mund të ketë ndodhur për shkaqe që nuk kanë lidhje me zjarrin.
Bëhet fjalë për katër të moshuar, dy burra dhe dy gra. Viktima e parë është zbuluar në repartin e Kardiologjisë gjatë ndërhyrjes së zjarrfikësve, ndërsa dy të tjerë janë shtruar në repartin e Mjekësisë.
Kanë mbetur edhe dy të plagosur në gjendje të rëndë. Mbi 200 pacientë, përfshirë disa fëmijë, u evakuuan. Prokuroria ka hapur hetimet dhe mbi trupat e viktimave do të kryhet autopsia.
Ende nuk dihen shkaqet e zjarrit, i cili u shua vetëm në orët e vona të natës. Mbi 200 pacientë, përfshirë shtatë fëmijë, u transportuan jashtë institucionit: më të rëndat u transferuan menjëherë në spitale të tjera.
Ndërtesa, përveç dëmtimit të rëndë, ka qenë e mbushur me tym. Në vendngjarje ndodheshin ekipe të shumta zjarrfikëse, policie dhe karabinierësh./Opinion.al
