Në Palermo, shtatë të rinj, njëri prej të cilëve ende i mitur, u arrestuan për dhunë seksuale në grup, pasi dyshohet se kanë abuzuar seksualisht me një grua në Palermo.
Sipas mediave italiane, hetimet nisën pas denoncimit të viktimës se më 7 korrik dyshohet se ajo ishte dërguar në një zonë të veçuar të qendrës historike dhe përdhunuar nga të dyshuarit.
Viktima e cila dyshohet të ketë qenë në gjendje të dehur nga alkooli, u dërgua në një zonë të izoluar të qendrës së qytetit dhe u përdhunua atje me radhë nga disa nga djemtë. Përdhunimi në grup dyshohet se ndodhi në fund të një mbrëmjeje të kaluar nga e reja në ambientet e jetës së natës në Palermo, midis tregut Vucciria dhe Piazza Sant’Anna.
Një arrestim i parë ishte kryer ditët e fundit ndaj tre bashkëpunëtorëve, ndërsa sot u krye arrestimi i katër të tjerëve.
Paraditen e sotme karabinierët kanë shoqëruar tre të rritur dhe një të mitur për veprën e kryer. Të katër dyshohet se kanë vepruar me bashkëpunimin e tre të rinjve të tjerë, të arrestuar më 3 gusht.
Karabinierët arritën të identifikonin anëtarët e dyshuar të grupit falë rrëfimit të viktimës dhe pamjeve të sistemeve të vëzhgimit me video në zonë./Opinion.al
