Gjykata e Fierit ka dënuar me burg përjetë Klodian Çalamanin, i cili përdhunoi dhe vrau Mateon Vasiun.
Ngjarja makabër ndodhi më 21 nëntor 2021. Pasi i mori jetën Çalamani e groposi 8-vjeçarin në oborrin e banesës së tij. Trupi i të miturit u gjet i groposur nga familjarët dhe fqinjët që po e kërkonin prej disa orësh Mateon.
Ka qenë një kamera sigurie, ajo që filmoi momentet kur 38-vjeçari mori djalin e vogël dhe e futi në banesën e tij. Ndërkohë familjarët e djalit të vogël kërkonin prej orësh të miturin dhe kishin bërë edhe denoncimin në polici.
Në përfundim të hetimeve, është konfirmuar se Çalamani fillimisht ka abuzuar seksualisht me të miturin dhe më pas e ka vrarë duke e goditur me sende të forta, kazmë e lopata./Opinion.al
