Policia e Tiranës ka arrestuar 32-vjeçarin që ishte shpallur në kërkim për përdhunimin e një 29-vjeçareje disa ditë më parë.
Ngjarja ka ndodhur te “Kthesa e Kamzës”, ku i arrestuari G.Gj kishte kryer seks me dhunë me 29-vjeçaren T.K.
T.K. ka deklaruar në polici se djali i ka dalë para duke e bezdisur dhe pasi ka abuzuar forcërisht me të, e ka lënë të lirë. Dosja me denoncimin e vajzës është dërguar në Prokurorinë e Tiranës dhe 32-vjeçari është shpallur në kërkim policor.
“Më datë 12 janar është paraqitur në ambientet e Komisariatit të Policisë Nr.3, shtetasja T.K., 29 vjeçe, banuese në Tiranë, e cila ka kallëzuar se, shtetasi G.Gj., 31 vjeç, në afërsi të kthesës së Kamzës, më datë 5 janar, ka kryer marrëdhënie seksuale, me këtë shtetase kundra dëshirës së saj. Kjo shtetase ishte njohur në rrjetet sociale me G.Gj., pak kohë më parë. Menjëherë është bërë shpallja në kërkim policor dhe po punohet për kapjen e tij”, tha dje zyrtarisht Policia e Tiranës.
