TIRANË- Alida Hisku hapi një debat të madh që nuk ka të reshtur prej dy muajsh: Përdhunimet në diktaturë! Dëshmia e radhës në media është ajo e Apolon Baçes. Historiani Baçe duke folur në Channel Uno, në emisionin e Roland Qafokut tha se përdhunimet në diktaturë kanë qenë të shumta. Ai solli edhe një rast konkret por pa denoncuar me emra.
“Unë kam njohur shefin e një dege të Punëve të Brendshme të asaj kohe që kishte pasion pikturën dhe pikturonte nudo të gjitha gratë dhe vajzat që ishin të burgosura në qelitë e degës që drejtonte”, tha Baçe. Sipas tij në arkiva ka edhe fakte të këtyre ngjarjeve tronditëse të kohës së diktaturës komuniste.
Sakaq edhe studiuesi, ish- i përndjekur politik, Agim Musta tregoi se numri i grave të përdhunuara në internim ka qenë i madh por janë mbajtur të fshehura.
