Presidenti i Federatës Shqiptare, Armand Duka ka reaguar për përballjen që Kombëtarja shqiptare do të ketë mbrëmjen e sotme përballë Republikës Çeke.
Kuqezinjtë kërkojnë fitoren për të mbajtur gjallë shpresat për fitimin e grupit B1.
Përmes një postimi në rrjete sociale, Duka kërkon nga tifozët dhe lojtarët, qytetari dhe mikpritjen tonë.
Ai thotë se në fushë duhet të stadium duhet të fitojë futbolli.
”Sonte vazhdojmë rrugëtimin tonë në UEFA Nations League, ndaj Çekisë me të cilën jemi përballur shpesh në dy vitet e fundit dhe kemi përjetuar emocione të shumta. Të gjithë presim një ndeshje të fortë dhe angazhimin maksimal të të gjithëve në fushën e blertë dhe në shkallët e stadiumit.
Sonte duhet të fitojë futbolli, nga momenti i këndimit të himneve e deri në vërshëllimën e arbitrit për të mbyllur ndeshjen. Le të tregojmë qytetari, maturi dhe atë që shqiptarët e kanë pasur gjithmonë, mikpritjen”, shkruan presidenti Duka.
