Rezultati i anketës së bërë nga Qendra Levada dëshmoi se 72 për qind e qytetarëve rus janë të mendimit se qëndrimin më armiqësor kundrejt Rusisë e kanë Shtetet e Bashkuara të Amerikës.
Në vendin e dytë rreshtohet Ukraina, më 48 për qind, ndërsa në vendin e tretë Turqia më 29 për qind, raporton express.
Në anketën e bërë para një viti, në vendin e parë rreshtohej Ukraina, ndërsa Turqia si shtet armiqësor atëbotë ishte cilësuar nga vetëm një për qind e rusëve të anketuar.
Rusët si mikun më të madh të vendit të tyre e konsiderojnë Bjellorusinë, më saktë 50 për qind të tyre, e pasojnë Kazakistani më 39 për qind dhe Kina më 34 për qind.
Sa i përket mundësisë së anëtarësimit të Rusisë në Bashkimin Evropian, kjo mundësi u mbështet nga 29 për qind e rusëve, për dallim nga viti 2009, kur 53 për qind e rusëve e mbështetën këtë ide.
