Ish-ministri i Brendshëm, Sajmir Tahiri ka dalë nga ambientet e SPAK pas më shumë se 2 orë marrjesh në pyetje.
Mësohet se Tahiri është pyetur nga prokurorët e SPAK lidhur me një hetim pasuror që ka nisur ndaj tij.
Në një prononcim të shkurtër për mediat, pas daljes nga SPAK, ai është shprehur se nuk kishte asgjë për të thënë.
“Me vjen keq qe keni qëndruar kaq gjatë! S’kam asgjë për të thënë! Mirupafshim!”- tha Tahiri.
Saimir Tahiri mbërriti në ambientet e SPAK rreth orës 12:55 i shoqëruar nga avokati i tij, Maks Haxhija.
Kujtojmë se ish-ministri i Brendshëm Tahiri u lirua nga qelia më 2 qershor 2023, pas më shumë se një viti në burg.
