Rihanna po përdor influencën e saj si person publik që të vërë në punë liderët botërorë të financojnë edukimin në vendet e varfra. Nën petkun e ambasadores për Partneritetin Global mbi Edukimin, ajo u takua me Presidentin francez Emmanuel Macron që t’i dalë në krah fëmijëve në Senegal.
Gjatë konferencës për shtyp Rihanna tha se kanë përparuar shumë por “lufta nuk do të mbarojë deri sa çdo vajzë dhe çdo djalë në botë të kenë qasje në edukim dhe shkollim.” I pranishën në event ishte edhe Presidenti senegalez Macky Sall.
Rihanna u bë ambasadore e Partneritetit Global për Edukim në vitin 2016 dhe u lidh me Presidentin Macron verës që shkoi. Ata diskutuan për gjendjen e shkollimit global dhe ranë dakort për bashkëpunim gjatë vizitës së këngëtares në Pallatin Elysse. Po në vitin 2016, Franca rriti kontributin për PGE me 21 milion dollarë.
Sipas UNICEF, janë afërsisht 264 milion fëmijë të pashkolluar për shkak të varfërisë, konflikteve dhe barrierave sociale përfshi diskriminimin gjinor. GPE synon të mbledhë 3.1 miliard dollarë fonde deri në vitin 2020, që të sigurojë shkollimin e 870 milion fëmijëve në 89 vende në zhvillim.
Rihanna shfrytëzoi audiencën në Twitter duke i kërkuar publikisht presidentit të Australisë Malcom Turnbull, Presidentit Macron dhe Kryeministres së Britanisë së Madhe Theresa May të mbështesin fondacionin. Të gjithë u përgjigjën pozitivisht duke rritur kontributin. Kryeministrja e Norvegjisë Erna Solberg së fundmi i ka shkruar gjithashtu Rihannës në Twitter për të shprehur mbështetjen dhe gatishmërinë për bashkëpunim./Opinion.al
