Denalda Çezma dhe Shkëlqim Koçeku kanë dalë këtë të martë para Gjykatës së Tiranës për t’u njohur me masën e sigurisë. Ata u arrestuan katër ditë më parë nga policia e Tiranës pasi akuzohen se morën peng 31-vjeçarin Ermil Sorra.
Gjithçka ka nisur pas një borxhi prej 30 mijë eurosh që 37-vjeçarja Çezma i kishte të riut Sorra, të cilat nuk ia kthente.
Ai mësohet se ia kërkonte paratë herë pas here. Në këto kushte, 37-vjeçarja kërkoi ndihmën e shokëve të saj, 37-vjeçarit Shkëlqim Koçeku dhe 30-vjeçarit Sulltan Piraci. Ky i fundit nuk është arrestuar ende nga policia dhe vijon të jetë në kërkim.
Sipas policisë, treshja e mori Sorrën në Kashar e më pas e dërguan në shtëpinë e 37-vjeçares ku e mbajtën peng për disa orë. Ndërkohë ditën e sotme, dy të rinjtë e arrestuar Shkëlqim Koçeku dhe Denada Çezmja kanë dalë para gjykatës, ku është vendosur masa e sigurisë “arrest me burg”.
Para togave të zeza e reja e veshur me pizhama ka mohuar se i kishte marrë borxh 30-vjeçarit, ndërsa kërkoi të lirohej pasi kishte një vajzë 14 vjeçe që e rriste e vetme.
“Donte të kishte një lidhje me mua. Ndaj më bezdiste. Nuk i kam marrë lekë borxh. Dua lirinë, kam një vajzë 14-vjeçe, mos më lini në burg, më lironi”, mësohet të jetë shprehur vajza mes lotësh.
