Ka shkuar në pesë numri të arrestuarve në lidhje me pengmarrjen dhe vrasjen e Jan Prengës. Policia njofton se ka vënë në pranga një 30-vjeçar i identifikuar si Festim Bexhdili, banues në Kavajë
Në cilësinë e provës materiale shtetasit F. B. i janë sekuestruar dy telefona dhe një sasi prej 850 eurosh. Për shkak të rëndësisë së hetimit, nuk bëhen të ditura detaje të tjera.
Mbi 30-vjeçarin e arrestuar rëndojnë akuzat penale “Rrëmbimi ose mbajtja peng e personit”, “Fshehja ose asgjësimi i kufomës”, “Veprime që pengojnë zbardhjen e të vërtetës”, “Përkrahja e autorit të krimit”, të kryera në bashkëpunim dhe “Armëmbajtja pa leje”.
Ditën e djeshme, policia vuri në pranga Leonard Hajrin, Olsi Turjan, Elton Hajrin dhe Bajram Hajrin. Nga hetimet ka rezultuar se Jan Prenga u rrëmbyer pas konflikteve të drogës të vëllait të tij me vëllezërit Hajri në Angli.
Në kërkim në lidhje me këtë ngjarje vijon të jetë Altin Hajri. Gjatë kontrolleve të policisë në banesat e personave të arrestuar policia ka gjetur 2 armë zjarri pistoleta, një sasi municioni, 16 aparate celular, 4 automjete dhe një shumë eurosh./Opinion.al
