Vijojnë protestat e dhunshme në disa qytete në Izrael, kërkohet marrëveshje me Hamasin
Protestat e dhunshme vijuan në ditën e dytë në disa qytet në Izrael. Qytetarët kërkojnë një marrëveshje të menjëhershme për lirimin e pengjeve pasi gjashtë prej tyre u gjetën të vdekur në tunelin e Gazës.
Protestuesit u përpoqën të pengonin konferencën për shtyp të kryeministrave izraelitë Benjamin Netanyahu. Ata ndezën zjarr përpara zyrës së tij dhe me pankarta në duar kërkonin liri për pengjet.
Kryeministri Netanyahu në konferencë kërkoi falje që nuk mundi të shpëtonte dot pengjet e vrarë nga Hamasi. Ai fajësoi militantët islamik dhe hodhi poshtë thirrjet për t’i mbajtur trupat në zonën kufitare jugore të Gazës, si një mënyrë për arritjen e armëpushimit, duke thënë se ishte jetike për Izraelin që të kontrollojë Gazën për të shpërberë Hamasin.
Britania pezulloi 30 nga 350 licencat e saj të eksportit të armëve me Izraelin sepse sipas ministrit te jashtëm ekziston rreziku që pajisje të tilla të përdoren për të kryer shkelje serioze të ligjit ndërkombëtar humanitar.
