Deputeti që u zgjodh nën siglën e PDIU-së në Vlorë, por që tashmë është pjesë e grupit të PD-së, Dashamir Tahiri, kërkon të ndryshojë formularin e vetëdeklarimit, pasi prokuroria kërkoi ti hiqej mandati.
Sot Dashamir Tahiri ka dorëzuar një kërkesë në Komisionin Qendror të Zgjedhjeve. “Deklarova në formular që nuk jam dënuar. Nuk jam dënuar me vendim të formës së prerë. Më 14 dhjetor Prokuroria më vuri në dijeni të një shkrese të Interpolit”, shprehet Tahiri ne kerkesen drejtuar KQZ-se. Nuk dihet nëse kërkesa e tij do të pranohet nga KQZ dhe nëse kjo taktikë do ta shpëtojë nga heqja e mandatit.
