Graziano Pelle u vendos në qendër të kritikave, pas 11 – metërshit të humbur, një gabim që ndëshkoi Italinë duke e eliminuar nga turneu.
Sulmuesi i Southampton bëri një gjest, që u interpretua si mendjemadhësi. Pelle, autor i dy golave në Euro 2016 sqaroi veprimin e tij për mediat italiane.
“Jam i trishtuar dhe i kërkoj falje italianëve. Po të kisha shënuar do të isha kthyer në fenomen. Më vjen keq, nuk doja të provokoja Neuer. Ai nuk e vuri re dhe e bëra atë gjest që të ndalonte. Në fund të ndeshjes Neuer erdhi të më përgëzonte” – tha sulmuesi italian për mediat italiane.
Gjithsesi paraqitja e Italisë në këtë Europian është vlerësuar si pozitive, pasi eliminoi edhe kampionen në fuqi të turneut, Spanjën.
Tv Klan
