Kemi dëgjuar Kryeministrin që përpiqet të injorojë opozitën, por nuk dinim çfarë mendimi ka zv.kryeministri Niko Peleshi. Ai e quan sukses të enjten në Parlament për opozitën.
“Nëse do t’i njohim një ‘sukses’ opozitës, kjo është e enjtja në parlament. Jo në kuptimin e askionit politik por në kuptimin e mbajtjes së parlamentit në pozicionin e një teatri politik që sa vjen dhe bëhet më i shëmtuar për qytetarët. Nuk mund të them se kemi rënë brenda por ia ka dalë. Le ta personalizojmë sepse besoj që ka një personazh që e dominon të enjten në parlament nga opozita, ky është ish kryeministri. Unë besoj që ia ka dalë, nuk dua të analizoj arsyet që të dominojë dhe të mbajë të tensionuar dhe jashtë konstruktivitetit debatin politik ditën e enjte në parlament”, tha Peleshi në një intervistë për Oranews.
