Pedagogët e universiteteve janë duke zhvilluar një protestë këtë të mërkurën para Universitetit Politeknik në Tiranë.
Ata kërkojnë rritjen e pagave për pedagogët dhe stafin ndihmës si dhe rritjen e financimit për kërkimin shkencor.
Teksa rendisin disa nga kërkesat e tyre petagogët shprehen se nëse nuk plotësohen do të bojkotojnë mësimin.
“I kërkojmë kryeministrit që të reflektojë dhe qëndrimet e tij pezhorative nuk ka nevojë ta përdorë ndaj profesoriatit”, tha një pedagog gjatë protestës.
Kërkesat e pedagogëve:
-Rritja e pagave për pedagogët dhe stafin ndihmës (nuk është plotësuar)
-Rritja e financimit për kërkimin shkencor (nuk është plotësuar)
-Rivendosja e shtesave mbi pagë për ‘Dëshmëri shëndeti në punë’ (nuk është plotësuar)
-Rritja e shtesës mbi pagën për vjetërsinë në punë (nuk është plotësuar)
-Rritja e pagesës së orëve të ngarkesës suplementare (do shqyrtohet)
-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit. (do shqyrtohet)
-Rishikimin e tatimit prej 23% mbi pagesën e ngarkesës suplementare (do shqyrtohet)
-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”. (do shqyrtohet)
