Parlamenti Evropian tha ditën e sotme se presidenti rus Vladimir Putin mbante “përgjegjësi kriminale dhe politike” për vdekjen e aktivistit të opozitës Alexei Navalny dhe duhet të mbahet përgjegjës.
Navalny, një nga kritikët më të zëshëm të Putinit, vdiq në burg më 16 shkurt në rrethana të paqarta, por udhëheqësit e BE-së kanë fajësuar liderin rus.
“Qeveria ruse dhe Vladimir Putin personalisht mbajnë përgjegjësi penale dhe politike për vdekjen e kundërshtarit të tyre më të shquar, Alexei Navalny”, tha parlamenti i BE-së në një rezolutë të miratuar me 506 vota në asamblenë prej 705 vendesh.
Navalny u dënua me 19-vite burg nën akuza për ekstremizëm.
Navalni ishte një akivist kundër korrupsionit, i cili u bë figura kryesore e opozitës kundër Vladimir Putinit në Rusi, duke organizuar protesta kundër Kremlinit.
Kritiku i ashpër i Putinit u bë i njohur për herë të parë si bloger në vitin 2010, duke publikuar hetime për korrupsionin në Rusi, me videot e tij që mblodhën miliona shikime në internet./Opinion.al
