Pas letrës që Armando Prenga i nisi Kryetarit të Kuvendit, ku bënte të ditur se nuk do të marrë pjesë në punimet e Kuvendit deri në mbylljen e çështjes gjyqësore, ka ardhur dhe reagimi i Partisë Demokratike.
PD e cilëson “vetëpezullimin” si një “truk” për të mos miratuar ndryshimin e propozuar në Ligjin për Dekriminalizimin dhe thekson nëse nuk kalon amendamenti, opozita do të bojkotojë punimete Kuvendit.
“Me dorën dhe mendjen e Edi Ramës mercenari i tij bandit dhe përgjakës i qytetarëve të Laçit njoftoi sonte në mbrëmje në një letër “vetëpezullimin”.
Partia Demokratike refuzon me përbuzje këtë truk të ulët që ka për synim të justifikojë bllokimin e nismës ligjore të PD për amendimin e ligjit të dekriminalizimit”, thuhet në reagimin e PDsë.
