Ndërsa policia nuk ka dhënë ende pistën e hetimeve për vrasjen në Sarandë, ka qenë PD-ja ajo që ka deklaruar se vrasja ndodhi për drogën,
“Viktima që u gjet i pajetë sot, është vëllai i administratorit të Kacinarit, i emëruar nga kryetari i Edi Ramës në Bashkinë e Mirditës, i cili e kishte kthyer banesën në magazinë droge, ku policia gjeti 424 kilogram kanabis me destinacion Greqinë. Droga kalonte në Greqi pikërisht nga fshati Shëndëli në Sarandë, ku ka ndodhur vrasja” , u shpreh Ervin Salianji nga selia e PD-së.
Sipas tij, kjo është viktima e 6 e drogës, e këtyre muajve. Këto janë pasojat dramatike të alternativës së Edi Ramës për shqiptarët, që është kanabisi.
Aleksandër Bardhi 47 vjeç nga Mirdita por me banim në Sarandë u gjet i vrarë në fshatin Shëndelli. Ai është dërguar në spital pa shenja jete nga djali i xhaxhait i cili e kishte gjetur të vravrë me automatik në rrugë.
