Partia Demokratike ka reaguar sot lidhur me projektligjin e amnistisë. Arben Ristani deklaroi se po përgatitet ligji i faljes për Armando Prengën dhe disa trafikantë droge. Ai u bëri thirrjeve deputetëve të mos e votojnë ligjin e amnistisë.
Deklarata e plotë e Ristanit
Edi Rama ka përgatitur një amnisti e cila do t’u japë lirinë dhe do të falë kultivuesit e drogës, kriminelët që kanë tentuar të vrasin, kriminelët që kanë dhunuar zgjedhjet.
Kur vendi ka nevojë të luftojë krimin që po shtie në dorë politikën, ekonominë, dhe gjithë shoqërinë, Edi Rama ka zgjedhur të falë kriminelët.
Amnistia qeveritare do të falë Armando Prengën që tentoi të vriste dhe të tjerët si ai, por nuk do të falë qytetarët që protestuan kundër ndërtimit të paligjshëm të parkut të liqenit.
Kjo është bërë me qëllim për të dhënë mesazhin se: Aministia nuk përfshin qytetarët aktivë me qëllim për t’u thënë mesazhin e qartë të gjithë popullit: ata që do të guxojnë të ngrejnë zërin dhe të protestojnë kundër qeverisë do t’i presë burgu dhe gjobat.
Aministia do të falë kriminelë me pushtet për t’i qetësuar të gjithë kriminelët e të tjerë në politikë se sa të jetë Edi Rama në pushtet nuk do të ketë dekriminalizim të politikës.
Amnistia po fal kriminelët për t’u thënë atyre se nëse i shërbjenë Edi Ramës, nuk do t’i gjejë kurrë gjë.
Amnistia po fal kultivuesit e drogës për t’u dhënë mesazh të gjithë klutivuesve dhe trafikantëve se sa të jetë
Edi Rama në pushtet ata mund të kultivojnë dhe trafikojnë drogë dhe nuk do t’i gjejë kurrë gjë.
Amnistia po fal dhunuesit e zgjedhjeve për t’i dhënë mesazh të gjithë dhunuesve të votës së lirë se nësë prishin zgjedhjet e ardhshme nën urdhrat e Edi Ramës ata nuk do t’i gjejë kurrë gjë.
Amnistia që po bën Edi Rama është goditje për qytetarët e ndershëm, është goditje për dekriminalizmin, është goditje për luftën kundër drogës, është goditje për zgjedhjet e lira.
Partia Demokratike e dënon këtë amnisti dhe i bën thirrje deputetëve të ndershëm të mos e votojnë atë.
