Partia Demokratike ka ngritur shqetësimin për situatën e rënduar në Mirditë, si pasojë e motit të keq. Dhjetra fshatra janë izoluar, ndërsa Shtabi i Emergjencave ende nuk është vënë në veprim.
Pushteti vendor dhe ai qëndror janë inekzistent. Bora pastrohet nga vetë banorët e fshatit me ekskavatorë privatë pasi borëpastrueset mungojnë. Asnje ndihme nga Shtabi i Emergjencave për zonat e bllokuara dhe nuk ka ende asnjë njoftim për mbledhje.
Deputetja e qarkut të Lezhës Lindita Metaliaj e cila ka parë nga afër situatën thotë se gjendja është përkeqësuar për shkak të papërgjegjshmërisë së pushtetit lokal dhe qendror ku fondet për emergjencat vidhen, paratë e taksapaguesve shqiptarë shpërdorohen dhe qytetarët lihen në mëshire të fatit.
“Askush deri më tani nuk ka ndihmuar qindra familje të bllokuara ne zonat rurale,te cilat jane nen pushtetin e bores, ngrices dhe temperaturave nen zero. Mesimi eshte nderprere ne te gjitha shkollat e Mirdites”, vijon ajo.
Reshjet e dendura të dëborës kanë izoluar totalisht fshatrat në Mirditë, Selitë, Kacinar, Fan, Orosh dhe qytetet Rrëshen, Rubik dhe Reps.
Deputeti Andon Frrokaj thekson se në rrugët e bllokuara nuk është shtruar kripë ndërsa mjetet borëpastruese nuk janë në funksion. Sipas tij, Bashkia dhe firmat kontraktore per mirembajtjen e rruges nuk kanë ndërhyrë ende në zhbllokimin e rrugëve.
