Qeveria e drejtuar nga Kryeministri Edi Rama ka shfuqizuar vendimin që ndalonte një kompani të shpallet fituese e një tenderi, nëse ka në proces kontrata publike të parealizuara në masën 70 përqind.
Sipas Partisë Demokratike, shfuqizimi i këtij nga Edi Rama ka favorizuar në mënyrë direkte dhe të paprecedentë kompaninë “Salillari” për të marrë një tender 15 mln euro tek sheshi Shqiponja. Akuza është bërë nga nën kryetari i kësaj force politike, Edmond Spaho.
“ Kjo kompani, kliente e shumëfishtë e Edi Ramës, është e vetmja nga kompanitë e tjera në garë, që përfiton nga vendimi i Edi Ramës, pasi vetëm Salillari ka detyrime të paplotësuara në nivelin 70% të punimeve. Kompania Sallillari do të ndërtojë edhe një segment tjetër të projektit korruptiv të Unazës së Re, duke bërë që Edi Rama ta transferojë vjedhjen e 40 milionë eurove nga kompania fantazëm DH Albania tek një tjetër klient i oborrit të familjes së Edi Ramës”, tha Spaho.
Partia Demokratike, theksoi si, është e vendosur në planin e saj për t’u kthyer shqiptarëve çdo qindarke dhe pasuri të grabitur nga aktet korruptive të qeverisë së Edi Ramës./ Opinion.al
