PD shkon pranë banorëve të Shkozës/ Paloka-Ramës: Po u merr shpirtin atyre që të votuan

Deputetët e grupit parlamentar demokrat kanë shkuar sot pranë banorëve në Shkozë, aty ku IKMT ka nisur shembjen e 153 shtëpive për ti hapur rrugë rehabilitimit të Lanës. Duke folur për mediat, kreu i grupit Edi Paloka deklaroi: “Kështu është kur i beson Edi Ramës që sillet si armik me qytetarët. I bëj thirrje që të bëhet njerëzor. Shih çfarë po bën, po i nxjerr njerëzit e fëmijët jashtë. Ku do shkojnë? Nuk janë ngujuar se janë kokëfortë, por se nuk kanë strehë. Gjatë fushatës ju premtuat legalizim dhe kompensim. Dhe sa erdhët në pushtet nisët shembjet pa u dhënë asnjë dëmshpërblim. Shteti nuk është për ti marrë shpirtin të pamundurve. Ne jemi këtu për të sensibilizuar që kushdo që ka vullnet të vihet në krahë të qytetarëve”. /Opinion.al