Partia Demokratike Shkodër ka reaguar në lidhje me procesin e votimit për zgjedhjet lokale që po zhvillohet ditën e sotme në të gjithë vendin.
Përmes një deklarate për mediat, PD Shkodër shprehet se zgjedhjet e ditës së sotme e kthyen vendin 30 vite mbrapa, ku votohej vetë për një parti.
Selia blu në Shkodër thekson se pavarësisht se merr pjesë vetëm PS, “ka një terr të plotë informativ mbi ecurinë e pjesëmarrjes në këto votime të stisura.”
Deklarata e plotë
QETESI SI DIKUR
Partia Demokratike Shkodër vëren se çuditërisht maxhoranca në deklaratat e sajë po mburret për qetësinë që po e shoqëron procesin e votimeve, dhe e quan si një meritë të mirë organizimit qeveritar të këtyre zgjedhjeve të cilësuara si më të mirat e 30 viteve.
Në fakt kjo situatë na sjell 30 vjet prapa në kohën e qetësisë olimpike që shoqëronte zgjedhjet mashtruese të sistemit mono-partiak.
Një terr i plotë informativ mbi ecurinë e pjesëmarrjes në këto votime të stisura.
Asnjë impenjim minimal që ligjërisht duhet të raportohet here pas here, çdo dy orë, në një proces të tillë nga KQZ dhe KZAZ përkatëse.
Një entuziazëm i pa-parë drejt një të ardhme të ndritur, mbuluar në terrin e kutive të përpunuara.
Sot kishte apati dhe shumë pasiguri, sot kishte mos dëshirë dhe bojkot masiv dhe kështu mendojmë te jete edhe ne këtë kohe qe ka mbetur.
Pjesëmarrja ne votime sipas vete KQZ akoma jo zyrtare sipas deklarimit te kryetarit te këtij komisioni për Bashkinë Shkodër është vetëm rreth 5 %………………
Do jemi vigjilentë deri në fund të procesit./ Opinion.al E.Xh.
