TIRANE- Pak ditë pasi Edi Rama tha nga Gjirokatra se PS nuk është një vend ku mund të kërkohet punë në shtet, përgjigjet Partia Demokratike duke thënë se janë pikërisht ministrat e deputetët, sekserët e punësimit. “Edi Rama thotë se po bën shtet, dhe ka ardhur për të bërë shtet jo për të punësuar njerëzit në shtet. Kjo sigurisht është një prej gënjeshtrave e mashtrimeve të koleksionit të tij. Ai në fakt është në krye të një shteti të korruptuar, kriminal, një ngrehine me lidhje nepotike, ku në punë të fut vetëm paraja dhe njohja me deputetin e ministrin”. Kështu u shpreh Enkelejd Alibeaj nga selia e PD.
Sipas tij ky është një shtet i korruptuar, tribal, që funksionon me lidhje nepoltike e me rekrutime me para në dorë.
“Ndaj qytetarët, të majtë e të djahtë, pa dallim, janë në këtë protestë për ta shporrur këtë shtet të korruptuar e kriminal.
Më 17 dhjetor, të enjten, në dyert e parlamentit për të ndalur qeverinë më të korruptuar të popullit më të varfër në Europë”.
