Deputeti i PD, Eduard Halimi akuzoi sot Kryeministrin Edi Rama se kërkon të emërojë vetë Avokatin e Popullit. Gjatë mbledhjes së Komisionit të Ligjeve ai deklaroi se”procesi qeveritar për zgjedhjen e Avokatit të Popullit është tërësisht i kundërt me traditën, paktin politik dhe frymën kushtetuese. Avokati i popullit nuk mund të jetë kurrë një zgjedhje e kryeministrit. Ai i përket popullit, qytetareve dhe duhet të jetë rojtar i të drejtave të qytetarëve dhe në shërbim të qytetarëve. Ai duhet të jetë zëri kundër kryeministrit, dhe jo kukulla e kryeministrit”, tha Halimi.
Ai i kujtoi Ramës se 5 vite më parë qeveria e asokohe (PD) ia la në dotë opozitës (PS) të zgjedhë Avokatin e Popullit.
Sipas tij, Rama kërkon të marrë në kontroll këtë institucion të pavarur pasi i janë dhënë kompetenca të reja kushtetuese.
“Arroganca dhe deliri i kryeministrit për të rrembyer të gjitha pushtetet, përfshirë dhe këtë që i përket popullit, është rruga më e shkurter për të ikur nga pushteti, skenarë për këtë ka plot nga vendet më të largëta, deri tek fqinjet. Për ne, marrja e Avokatit të Popullit nga kryeminsitri është nje akt i papranueshem”, tha ai.
