TIRANE- Partia Demokratiek e ka nisur javën politike me një sulm ndaj Kryeministrit duke përmendur edhe vizitën e John Kerry-t në Tiranë. Në një dalje për mediat, Arben Ristani tha se Rama vazhdon të promovojë Arben Ndokën edhe pse sipas tij, Departamenti amerikan i Shtetit e cilësoi të papranueshme të ishte pjesë e parlamentit.
“Sekretari Kerry, pasi e vlerësoi dje në Tiranë procesin e dekriminalizimit, e veçoi atë si sukses dhe model që duhet ndjekur. E megjithatë, ja ku është i zgjedhuri i Edi Ramës, i besuari i tij në Lezhë, duke prezantuar Prefektin e Qarkut”.
“Edi Rama sfidon hapur dekriminalizimin, sfidon hapur mesazhin e z.John Kerry. Ai vazhdon t’u japë pushtet personave të inkriminuar, vazhdon ti mbajë ata afër, dhe po i përgadit ata për zgjedhjet që po vijnë për të deformuar votën e lirë. Si ta kuptojmë qytetarët këtë shpërfillje të Edi Ramës ndaj mesazhit të Kerrit?”, thotë Ristani.
Në foto: Arben Ndoka me prefektin e ri te Lezhes dhe stafin e Preketures
