Demokratët e akuzojnë Kryeministrin Edi Rama se ka favorizuar miqtë e tij, si përfitues nga paratë e buxhetit të shtetit.
“Vetëm gjatë vitit 2016, nga Janari deri në Shtator 14 kompani me lidhje miqësore, politike dhe klienteliste me Edi Ramën kanë përfituar 407 kontrata me vlerë rreth 52 miliard lekë. Ky rekord për 9 muajt e parë të vitit, ka arritur vlerën që kishte vjet gjatë gjithë vitit”.
Opozita thotë se me këto para qeveria mund të paguante në një vit 200 mijë familje në ndihmë ekonomike. Sipas deputetes, Tabaku prioriteti i Kryeministrit nuk janë investimet, të papunët, apo fermerët, por paratë e siguruara nga korrupsioni dhe krimi, përmes të cilave ajo tha se kreu i qeverisë po tenton të blejë zgjedhjet e ardhshme.
