Edmond Bego, alias Manoli Bego, alias Sajmir Sina, alias Belul Gjatari, alias Mond Bega, 48 vjeç është biznesmeni që u arrestua dhe më pas u lirua nga policia greke. Sakaq, në vend ka shpërthyer debati politik. PD akuzon Taulant Ballën se me mbështetjen e tij biznesmeni me 5 emra, i dënuar në Itali me 21 vite burg, ka përfituar tendera shtetërore.
Sot, PD publikoi dokumentet, ku rezulton se kompania e Edmond Begos ka fituar tenderin prej 1 miliard lekësh nga OST në Librazhd.
Kryetari i grupit te PD, Edmond Spaho pyet kolegun e tij, kreun e grupit të PS Taulant Balla: A ke hyr sekser që miku yt kriminel të fitojë tenderin?!
Deklarata e plotë e Spahos nga selia e PD
Arrestimi i trafikantit ndërkombëtar të drogës, Edmond Bego, mik familjar i kryetarit të grupit parlamentar të Partisë Socialiste, Taulant Balla është dëshmia më e freskët sesi Edi Rama ka kriminalizuar gjithçka, që nga zyra ku punon, deri tek paratë që u merr shqiptarëve me taksa gjithnjë e më të larta.
Partia Demokratike po publikon sot një provë zyrtare sesi buxheti i shtetit është vënë në shërbim të mikut kriminel të Taulant Ballës, I cili tha dje se nuk ishte përdorur si mburojë politike për ish anëtarin e bandës së Lushnjës.
Të dhënat zyrtare tregojnë se kompania “Inerte Express”, me pronar trafikantin e drogës dhe mikun e familjes së taulant ballës, nuk ka përvojë në ndërtimin e nënstacioneve elektrikë dhe se këtë funksion ai e shtoi në fund të dhjetorit 2017.
Pak muaj më vonë, kompania pa përvojë e mikut trafikant droge të Taulant Ballës përfitoi një tender publik nga Operatori i Sistemit të Transmetimit.
Dokumentat tregojnë se tenderi i OST-së me vlerë 100 milionë lekë të reja ose 1 miliarde te vjetra, i është dhënë trafikantit të dënuar me 21 vjet burg për drogë, në fillim të verës, në zemër të zonës elektorale të Taulant Ballës, në Librazhd.
Kolegu im, Kryetari i grupit parlamentar të Partisë Socialiste, Taulant Balla duhet t’u thotë shqiptarëve a ka bërë ai sekserin me OST-në, që miku i tij trafikant droge të fitojë një tender prej 100 milionë lekë?
Sa më shumë të heshtë Taulanti pa sqaruar çfarë e lidh atë me miqësi familjare me një trafikant të rrezikshëm droge, që autoritetet italiane e kanë dënuar me 21 vjet burg, aq më shumë forcohet bindja për rolin e Taulant Ballës si sekser të miliona eurove që ia merr shqiptarëve për t’i ndarë me trafikantin e drogës.
Taulant Balla duhet të tregojë a ka hyrë sekser që miku i tij kriminel të fitojë fitoi tenderin 100 milionësh (1 miliarde leke te vjetra) nga OST në Librazhd?
Dokumentet e tenderit:
