Kryeministri Edi Rama ka reaguar në lidhje m e protestën e paralajmëruar nga PD, më 15 mars kundër mbylljes së platformës “Tik-Tok”.
Në një postim në rrjetet sociale, Rama ka komentuar thirrjen e kryedemorkatit Sali Berisha për të rinj që të braktisin mësimin në shenjë proteste për mbylljen e rrjetit social.
Rama thotë se kjo thirrje është e rrezikshme dhe se tregon se çfarë rreziku paraqet ndaj shoqërisë rikthimi i PD në pushtet.
Kreu i qeverisë ka sqaruar arsyet e mbylljes së “Tik-Tok”, si dhe për procesin që duhet për të arritur këtë.
“Bufi kënetës u bën thirrje fëmijëve të protestojnë për mbylljen e Tiktok dhe prindërve u kërkon të bashkohen me fëmijët dhe të dalin në shesh për tik-tok-un. Kjo është këneta opozitare dhe filozofia e saj. Kjo do të jetë derisa të jetë bufi që vigjilon nga ballkoni mbi të gjithë gjendjen poshtë në kënete duke i kthyer përfaqësuesit e popullit opozitar në zvarranikë që kafshojnë e pickojnë. 95% e prindërve dhe mësuesve na thanë mbyllni Tik-tok-un.Ne presim të shohim planin e premtuar për sigurinë e shtuar për fëmijët tanë. Arsyeja pse vendimi u mor vetëm me javën e shkuar ka të bëjë thjesht me kapacitetet teknike për të realizuar mbylljen e platformës që kanë kërkuar kohën e tyre. Nuk ka të bëjë gjëkundi me lirinë e fjalës dhe zgjedhjet. Uroj të jetë e përkohshme, do zgjasë aq kohë sa kompania të na japë një plan për sigurinë e fëmijëve. Apeli i bufit të kënetës duhet marrë tejet seriozist si një simptomë lajthitje e rrezikshme”-u shpreh Rama.
