Pas finalizimit të dokumentit për reformën në drejtësi nga ekspertët e nivelit të lartë, eksperti i Partisë Demokratike, Ivi Kaso, ka deklaruar sot per mediat se mazhoranca nuk tregoi asnjë vullnet për një draft të përbashkët. Kaso tha se Partia Demokratike është e gatshme për të përmirësuar draftin në Komisionin ad-hoc në mënyrë që të ketë një reformë konsensuale në drejtësi.
“Unë nuk besoj se është thjesht çështje thyesash, është një çështje kardinale, është çështje vullneti, parimi, koncepti. Pjesa ku ne ndahemi me ekspertët e tjerë është një nga shqetësimet kryesore që ne kemi dhe një nga qëllimet e shprehura të reformës në drejtësi. Ne u detyruam të largoheshim pasi pamë që nuk kishte më vend për diskutime. Në momentin që nuk ka më vend për diskutime atëherë nuk shoh sesi mund të jetë produktive një tryezë e cila synon që gjithkush të flasës por asnjë produkt konsensusal të mos dalë prej kësaj tryeze”, tha ai.
