Partia Demokratike ka shpërndarë një deklaratë për shtyp, ku dënon dhunën policore ndaj kundërshtarëve politikë.
“Rrahja dhe keqtrajtimi i protestuesve prej policisë politike nuk ka për ta shpëtuar dot kryehajdutin Edi Rama dhe pushtetin e tij të blerë me paratë e krimit të organizuar”, shkruhet në njoftimin e PD-së.
Gjithashtu, efektivët e policisë kanë marrë një paralajmërim nga selia blu, që thotë se nuk do ta harrojë këtë që po ndodh sot.
“Secili prej anëtarëve të Policisë Politike që, në shkelje të ligjit, po shoqëron, dhunon dhe po ushtron presion ndaj protestuesve, do të mbajë përgjegjësi personale. Ne nuk do ta harrojmë këtë!”
Në fund, falenderohen qytetarët pjesëmarrës në protestë, duke thënë se 16 shkurti është vetëm fillimi i protestave për çlirimin e vendit nga kryeministri hajdut.
