Pas tensioneve të regjistruara në seancën plenare të së hënës, Partia Socialiste ka kërkuar përjashtimin nga Kuvendi për një periudhë 10 ditore të kreut të PD, Sali Berisha dhe të deputetëve Flamur Noka, Belind Këlliçi, dhe Edi Paloka.
Sakaq, në mbledhjen që po zhvillohet në Komisionin e Etikës, ku pritet të merret vendimi, Sekretari i Përgjithshëm i PD Flamur Noka ka nxjerrë një video nga periudha kur vendi qeverisej nga Partia Demokratike.
Në pamje shfaqet një seancë plenare e disa viteve më parë, ku deputetë të PS asokohe në opozitë, shkaktonin kaos në Kuvend me bilbila dhe megafonë në sallë.
Mes deputetëve bie në sy Petro Koçi, i ndjeri Bashkim Fino, Raimonda Stefa, Arta Dade dhe të tjerë të cilët njëzëri brohorasin “Vota e fshehtë”.
