Lideri i PD-së ka mbledhur pasditen e sotme drejtuesit e rinj politikë të Partisë Demokratike në qarqe.
Gjatë takimit, Berisha u tha 12 drejtuesve të rinj të PD-së se misioni që kanë marrë është më i rëndësishmi i jetës së tyre.
Ndër të tjera, ai kërkoi nga drejtuesit e rinj politikë në qarqe që të riorganizojnë partinë.
“Misioni që keni marrë përsipër është më i rëndësishmi i jetës suaj. Sepse, suksesi i këtij misioni, është vendimtar për rikthimin e Shqipërisë në normalitet. Për rivendosjen e demokracisë në Shqipëri. Për rivendosjen e shtetit ligjor. Respektimin e plotë të lirive dhe të drejtave të qytetarëve shqiptarë. Por, dhe rikthimin e Shqipërisë dhe shqiptarëve në rrugën e prosperitetit, vokacionit perëndimor të kombit.
Detyra juaj është detyrë shumë e veçantë. Si lider, të PD në qarqet ku jeni ngarkuar, kërkon që ju të jeni organizatorë të shkëlqyer, kërkon që ju me ekipin lokal, të riorganizoni Partinë Demokratike. Kemi një nevojë jetike vendimtare për një organizim solid. Ju vetë duhet të jeni të gatshëm, të organizoni demokratët, ata aty janë, ata presin t’i organizojnë. Veç organizimit, detyra juaj është t’i frymëzoni. Nëse e bëni këtë, ju garantoj se forcë në botë që të pengojë realizimin e qëllimeve tona objektive…”, tha Berisha.
