Ndërkohë që sot pritet të mbahet seanca e parë plenare pas zgjedhjeve të 11 Majit, Partia Demokratike ka kërkuar ndryshim e rendit të ditës.
Nëpërmjet një kërkese drejtuar, Kryetares së Kuvendit, Elisa Spiropali, Partia Demokratike kërkon që të ketë 60 minuta diskutime jashtë rendit të ditës.
Kërkesa e PD vjen menjëherë pas mbylljes së Konferencës së Kryetarëve dhe është firmosur nga kryetari i grupit parlamentar të PD-së, Gazment Bardhi, i cili e cilëson atë të bazuar në rregulloren e Kuvendit.
Kujtojmë që Konferenca e Kryetarëve, e para mbledhje pas zgjedhjeve parlamentare të 11 Majit, është shoqëruar me debate që nga nisja.
Kreu i grupit parlamentar të PD, Gazment Bardhi ka debatuar me kryeparlamentares Elisa Spiropali dhe ministrin Taulant Balla.
Në fjalën e tij, Bardhi ka ngritur akuza ndaj socialistëve, ndërkohë nga ana tjetër Spiropali është shprehur se të drejtën për të vepruar në konferencë e kuvend, ja jep rregullorja.
