Përveç takimeve me qytetarët Partia Demokratike ka filluar dhe thirrjet onlime që qytetarët të marrin pjesë në protestën e 18 Shkurtit. Thirrjet me të cilat u drejtohet qytetarëve janë: “Varfëri, papunësi, shëndetësi e rrënuar, arsim në udhëkryq, korrupsion, krim, shtypje qeveritare”.
Statusi i plotë i PD-së
Ka 1 milionë halle në Shqipëri. 1 milionë arsye për të ngritur zërin.
Varfëri, papunësi, shëndetësi e rrënuar, arsim në udhëkryq, korrupsion, krim, shtypje qeveritare.
Fytyra e varfërisë dhe e vuajtjeve shihet kudo. Fiksoni në foto hallin, shqetësimin, vuajtjen tuaj.
Bëni një foto-dëshmi të kësaj gjendjeje dhe postojini në këtë event.
Fotot tuaja do t’i postojmë në faqet tona në Facebook, Instagram dhe në rrjet, për të ndarë mes njerëzve gjendjen e tyre të vërtetë.
Fotot më shprehëse do t’i bëjmë pankarta, për t’i mbajtur në manifestim më #18Shkurt.
